" مختلف " هنوز يوروم ياپيلمامش

 قدر گيجەسني هانگي گونلردە آراملي يز؟

قدر گيجەسي، رمضان آينڭ صوڭ اون گوننده  آرانمليدر. اڭ قوتلي احتماللە، قدر گيجەسي رمضان آينڭ يگرمي يدنجي گيجەسيدر...

:جواب

رسول  اللّهڭ (ع ص م) صاغلغندە بو گيجەنڭ هانگيسي اولديغي مراق و آراشديرمە موضوعي اولديغي گبي وفاتندن صوڭرە باشدە حضرت عمر (رض) اولمق أوزرە اصحاب طرفندن دە آراشديرمە قونوسي ياپيلمشدر.

ابن حجر (رض)، قدر گيجەسنڭ هانگي گون اولديغنه  دائر شرعي دليللرە طايانارق ايلري سورولن گوروشلري صاياركن ٤٦ گوروش قيد ايدر.

قدر گيجەسنڭ رمضان آيي ايچريسندە اولديغنه  دائر عالملرڭ قوتلي بر اتّفاقي واردر. فقط رمضان آينڭ ايلك اونندەمي، ايكنجي اونندەمي يوقسە صوڭ اونندەمي اولديغي قونوسي اختلافليدر.

گنل اولارق رمضان آينڭ صوڭ اونندە و يگرمي برنجي، يگرمي أوچنجي، يگرمي بشنجي و يگرمي يدنجي گبي تك گيجەلرينە توافق ايتديگنە دائر روايتلر داها قوتليدر.

قدر گيجەسي اڭ قوتلي گوروشە گورە رمضان آينڭ يگرمي يدنجي گيجەسندە آرانمليدر

قدر گيجەسي، رمضان آينڭ صوڭ اون گوننده  آرانمليدر. اڭ قوتلي احتماللە، قدر گيجەسي رمضان آينڭ يگرمي يدنجي گيجەسيدر.

حضرت عمر (رض) بو خصوصدە قوتلي بر قناعتە وارمق آرزوسيلە اصحابي طوپلايوب فكرلريني آلير. هپسي دە رمضان آينڭ صوڭ اونڭدە اولديغنده  اجماع ايدرلر. ابن عبّاس (رض)و بعض صحابەلرڭ گوروشي يگرمي يدنجي گجەدر. اكثريتلە بو گوروشدە اتّفاق ايديلمشدر.

حضرت معاويە (رض)، ابن عمر (رض) و داها باشقە بر قسم صحابەلر حضرت پيغمبردن (ع ص م)، قدر گيجەسنڭ رمضان آينڭ يگرمي يدنجي گجەسي اولديغي خصوصنده  روايتلردە بولونمشلردر. سلفدن آحمد ابن حنبل، ابو حنيفە (رض)گبي برچوقلري دە بو گوروشي بنمسەمشلردر. (كتب ستە)

ذر ابن حبيش (رض) آڭلاتييور:

عبی ابن قعبە (رض) ديدمكە، ابن مسعود (رض): ”بتون سنە گيجەلري قالقان كيمسە قدر گيجەسنە تصادف ايدەبيلير دييورمش (نە دیرسڭز؟).“ بڭا شو جوابي ويردي: ‘كندندن باشقە الٰه اولمايان ذات ذو الجلالە يمين اولسون، قدر گيجەسي رمضان آيندەدر. و او گيجە، رسول  اللّهڭ (ع ص م) بزە قالقمە مزي امر ايتديگي گيجەدر، او دە يگرمي يدنجي گيجەدر. بونڭ امارەسي، او گيجەنڭ صباحندە گونشڭ بياض و ايشينسز اولارق طوغمەسيدر.‘ (مسلم)

ابن حنبل (رض)، ابن عمرڭ (رض) شويلە ديديگني آڭلاتمشدر:

صحابۀ كرام، دواملي اولارق، قدر گيجەسني رمضان آينڭ صوڭ اون گوننده  گوردكلريني رسول  اللّه افنديمزە (ع ص م) آڭلاتيرلردي. اونلرڭ أويلە آڭلاتمەلري أوزرينە، رسول اللّه افنديمز (ع ص م) شويلە بويوردي: "سزڭ بو گوروشڭز تواتر حالنە گلدي" شو معنادەكە: قدر گيجەسي رمضان آينڭ يگرمي يدنجي گيجەسيدر. هر كيم، قدر گيجەسيني آرامق ايستر ايسە، اوني رمضان آينڭ صوڭ اون گوننڭ يدنجيسندە آرا سين. (غنيت الطالبین ، عبدلقادر گیلانی حضرتلری  )

قدر گيجەسي بعضلرينە گورە رمضان آينڭ صوڭ اون گون ايچندە مختلف گيجەلردە آرانمليدر

• حضرت بلال (رض) رسول اللّهڭ (ع ص م) قدر گيجەسي حقّندە شويلە سويلەديگني ايشيتمشدر: ”او، صوڭ اوندن يدينڭ ايلكيدر: يعني يگرمي أوچنجي گيجە.“ (كتب ستە)

• ”قدر گيجەسني (رمضانڭ) يگرمي دردندە آرايیڭز.“ (بخاري)

• حضرت عائشەيه  (رض) گورە قدر گيجەسي، رمضان آينڭ يگرمي طقوزنجي گيجەسيدر. (غنيت الطالبین ، عبدلقادر گیلانی حضرتلری )

• حضرت حسن و حضرت ابو ذرە (رض) گورە: قدر گيجەسي، رمضان آينڭ يگرمي بشنجي گيجەسيدر. (غنيت الطالبین ، عبدلقادر گیلانی حضرتلری )

• حضرت ابو بردە اسلمی یە  (رض) گورە: ”قدر گيجەسي، رمضان آينڭ يگرمي أوچنجي گيجەسيدر.“ (غنيت الطالبین، عبدلقادر گیلانی حضرتلری )

• امام شافعي يه  (رض) گورە: قدر گيجەسي، اڭ قوتلي احتماللە، رمضان آينڭ يگرمي برنجي گيجەسيدر.

• امام مالكە (رض) گورە: بربرندن آيري طوتولمامق شرطي ايلەقدر گيجەسي رمضان آينڭ صوڭ اون گونلرندە آرانمليدر. (غنيت الطالبین ، عبدلقادر گیلانی حضرتلری )

قدر گيجەسي بر روايتە گورە رمضان آينڭ تمامندە آرانمليدر

رسول  اللّهە (ع ص م) ”قدر گيجەسي رمضانڭ نرەسندە؟“ دييە صوريلمشدي. او: ”رمضان آينڭ تمامندە!“ دييە جواب ويردي. (ابو داود)

قدر گيجەسي ديگر بر روايتە گورە سنە ايچندە آرانمليدر

قدر گيجەسنە دائر صوڭ گوروش ايسە؛ رمضان آيي ايچريسندە دگل، سنەنڭ هر هانگي بر گيجەسندەدر. بوڭا گورە مؤمن هر گيجەدە تيقظ و توبەدە اولمليدر. (كتب ستە)

امام شعراني حضرتلرينڭ بر احتمال اولارق قدر گيجەسنڭ هانگي گيجە اولاجغنە دائر تثبيتي شو شكلدەدر؛

رمضان شريف، پازار گوني گيررسە قدر گيجەسي، ٢٩. گيجەدر.

رمضان شريف، بازارايرتسي گوني گيررسە قدر گيجەسي، ٢١. گيجەدر.

رمضان شريف، صالي گوني گيررسە قدر گيجەسي، ٢٧. گيجەدر.

رمضان شريف، چهارشنبە گوني گيررسە قدر گيجەسي، ١٩. گيجەدر.

رمضان شريف، پنجشنبە گوني گيررسە قدر گيجەسي، ٢٥. گيجەدر.

رمضان شريف، جمعە گوني گيررسە قدر گيجەسي، ١٧. گيجەدر.

رمضان شريف، جمعه ايرتەسي گوني گيررسە قدر گيجەسي، ٢٣. گيجەدر. (مقاصد  الطالبین، محمد ريف افندي)

فقط اڭ طوغريسني البتەكە اللّٰه بيلير. :قايناق http://www.xn--mgbcanya0ab4l6abbcd.com - قدر گيجەسني هانگي گونلردە آراملي يز؟