" عبادت " هنوز يوروم ياپيلمامش

 اللّٰه (ج ج) هر دعايە مطلقا جواب ويررمي؟

دعالريمز نەدن قبول اولمييور؟ هانگي دعالر مطلقا قبول ايديلير؟ دعامز ناصل اولمليدر؟

:جواب

دعا ايدركن دعا ادبنە رعايت ايديلمليدر

قبول اولاجغي حديثلرلە بليرتيلن دعالر واردر

 

هر دعايە مطلقا اجابت ايديلير 

 

”( حبيبم، يا محمّد!) قوللرم سڭا بندن صورارسە، شبهە يوقكە بن ( اونلرە) پك ياقينم. بڭا دعا ايتديگي زمان دعا ايدنڭ دعاسنە جواب ويررم؛ أويلە ايسە ( اونلر دە) بنم ( رضام) ايچون ( دعوتمە) اجابت ايتسينلر و بڭا ايمان ايتسينلر؛ تاكە حقّ يولي بولسونلر.“ ( بقرە، ١٨٦)

هر دعا مقبولدر، اللّٰه (ج ج) قاتندە قارشيلق بولور. دعالرە اجابت ايسە أوچ شكلدە گرچكلشير:

يا ايديلن دعانڭ عينًا دنيادە اثري گورونور. يا اللّٰه تعالي كيشي يە ايستەديگي شيلردن داها خيرليسني نصيب ايدر. (زيرا ايستەدكلريمزڭ بزم ايچون خيرليمي شرمي اولديغني بيلن اودر (ج ج) . بز ايسە بوندن عاجزز. ) يا دە حيات ابديە جهتندە قبول اولور. يعني دعا ايدن دعاسنڭ نتيجەسني جنّت نعمتلري صورتندە آلير.

ديمك آرزو ايتديگمز شيلر عينًا وجودە گلمزسە دعا قبول اولمدي دينيلمز، بلكە داها ايي بر صورتدە قبول اولدي دينيلير.

مثلا؛ كوچك بر چوجق خستەلانارق دوقتورە گيدر. كنديسنە هانگي علاجڭ ايي گلەجگنى بيلمز. فقط دوقتوردن گوزينە ايليشن هر هانگي بر علاجي ايستر. دوقتور دە چوجغڭ خستەلغنى بيلديگي ايچون خستەلغنە فائدەلي يسە ايستەديگي علاجي اوڭا ويرر. ويا چوجغڭ ايستەديگي علاجدن داها ايتكيليسني ويرر. يا دە اوڭا ضرر ويرەجگندن هيچ ويرمز.

بزم دە دعالريمزە اللّٰه جواب ويرمكدەدر. دعالريمزڭ اللّٰه طرفندن قبول ايديلمسي مثالدەكي گبي بزم منفعتمزە گورە دگيشير. ايستەديگمز بر شيئي اللّٰه دنيادە ويرمەيوب آخرتدە بزە ويرەبيلير. هر زمان حقّمزدە خيرلي اولاني ايستەمك اڭ گوزليدر.

”دعا ايدنڭ يا گناهي عفو اولور ويا همن خيرلي قارشيلغنى گورور ياخود آخرتدە مكافاتنى بولور.“ ( ديلمي)

 

ايديلن دعالردە مقصد دنيوي ايشلر دگل، قوللق گوروينى يرينە گتيرمك اولمليدر

 

دعا مؤمن قولڭ گوروي و عبادتيدر. عبادتلردن قصد ايسە دنيوي بر نتيجە اولاماز. ( طبقي نماز، اوروج، زكات و ديگر عبادتلردە اولديغي گبي) اللّٰه تعالي دعا عبادتنڭ نتيجەسني دنيادە دە ويررسە اكرامندندر.

آيريجە دعا ايدركن بو عبادتە دنيوي ايشلري مقصد ياپمق دعانڭ خالصيتنى زدەلەيەجگندن دعانڭ مقبوليتنە دە انگل اولور. شوني ايي آڭلامق گركيركە؛ دنيوي دوشونجەلر، صيقينتيلر، ديلكلر دعانڭ مقصدي دگل وسيلەسيدر، دعا وقتي گلديگنڭ خبرجيسيدر. ربّمزڭ بزدن دعا ايتمەمزي ايستەديگني خاطرلاتيرلر.

أورنگین؛ ياغمورسزلق، قوراقلق زمانلرندە ياغمور دعاسي نامندە بر دعا ايديلير. بر بولگە انساني طوپلانوب ياغمور ياغديرمسي ايچون برلكدە اللّٰهە (ج ج) دعا ايدرلر. بورادە نيتڭ شو شكلدە اولمسي گركير:

اللّٰهم! آڭلادقكە بو قوراقلق ايلە بزە دعا وقتنڭ گيرديگنى، دعا ايتمەمز گركديگني خاطرلاتييورسڭ. بز دە سڭا قوللق وظيفەمز اولديغي ايچون نياز ايدييورز. يوقسە غايەمز ياغمور ياغديرمەڭ دگلدر. بر قول اولارق بزم وظيفەمز دعا ايتمكدر. :قايناق http://www.xn--mgbcanya0ab4l6abbcd.com - اللّٰه (ج ج) هر دعايە مطلقا جواب ويررمي؟ سن دعا وقتي صوڭە ايرديگندە ذاتًا ياغموري ياغديراجق اولانسڭ!