" عبادت " هنوز يوروم ياپيلمامش

 عرفە گوننڭ فضيلت و أوڭمي

اللّٰه (ج ج) هيچ بر گوندە عرفە گوننده كي قدر چوق كيشي يي جهنّمدن آزاد ايتمز..

:جواب

• عرفە گوني، قلبندە ذرە مقدار ايمان اولانلر دخي باغيشلانير

نافع يولي ايلە گلن بر روايتدە؛ ابن عمر (رض)، رسول اللّه (ع ص م) افنديمزدن شويلە ديڭلەديگني آڭلاتمشدر:

”جناب حقّ عرفە گوني قوللرينە باقار؛ اونلردن قلبندە ذرە قدر ايمان بولونان كيمسەيي دخي بيراقمادن باغيشلار.“

ابن عمرە (رض) شويلە صوردم:

”بتون انسانلريمي، يوقسە يالڭز عرفاتدە بولونان كيمسەلريمي؟“

شويلە ديدي:

”بتون انسانلري…“ (غنيت الطالبین_ عبدالقادر گيلاني)

• اللّٰه هيچ بر گوندە عرفە گوننده كي قدر چوق كيشي يي جهنّمدن آزاد ايتمز

جابر (رض) رسول  اللّه (ع ص م) افنديمزڭ شويلە بويوردقلريني آڭلاتمشدر:

عرفە گوني اولديغنده ، جناب حقّ دنيا سماسنە اينر. اورادە ملكلرينە أوگونەرك حاجيلري گوسترير. اللّٰه تعالي اونلرە شويلە بويورور:

”اي ملكلرم، قوللريمە بر باقين. ناصل دە تا بڭا اوزاق ایللردن توز طوپراق ايچندە، صاچلري باشلري طاغينيق بر حالدە گلديلر. بو حاللري ايلە اونلر، رحمتمي اوممقدە؛ عذابمدن دخي قورقمقدەدرلر.

زيارت ايديلنە دوشركە: زيارتجيسنە اكرام ايلەيە. مسافر ايدنە دوشركە: مسافرلرينە اكرام ايلەيە. شاهد اوليڭز اونلري باغيشلادم. اونلرڭ يرلريني جنّت ايلەدم.“

ملكلر ديرلركە:

”اونلرڭ آرا سندە بري واركە، يالانجيلقدن بو ايشي ياپار. فلان قادين دە أويلە…“

اللّٰه تعالي شويلە بويورور:

”اونلري دە باغيشلادم…“

”اللّٰه هيچ بر گوندە، عرفە گوننده كي قدر بر قولو آتشدن چوق آزاد ايتمز. اللّٰه (ج ج) مخلوقاتە رحمتيلە ياقلاشير و اونلرلە ملكلرە قارشي افتخار ايدر و:

”بونلر نە ايستەيورلر؟“ دير. (مسلم)

• شيطانڭ عرفە گوننده  اولديغي قدر حقير و ذليل اولديغي باشقە بر گون يوقدر

هیبة اللّٰه (رض)، طلحە بيڭ عبد اللّٰه (رض) يولي ايلە گلن روايتدە؛ رسول  اللّه (ع ص م) افنديمزڭ شويلە بويورديغني آڭلاتدي:

”عرفە گوننده  اولديغي قدر ابليس داها كوچك، داها حقير، داها ذليل و داها كيندار گورولمز. بونڭ سببي دە: او گون حاجيلرە گلن رحمت و گناهلرينڭ باغيشلانمسيدر.

ابليس، بر دە بدر غزاسندە گورديگي شيدن أوتوري أويلە گورولمشدر.“ (غنيت الطالبین_عبد القادر گيلاني)

• عرفە گوني فضيلتجە جمعە گوننه  دنكدر

طلحە ابو عبيد اللّٰه ابن كريز (رض) آڭلاتييور:

”رسول  اللّه (ع ص م) بويورديلركە؛

گونلرڭ اڭ افضلي عرفە گونيدر. (فضيلتجە) جمعەيه موافقت ايدر. او، جمعە گوني طيشندە ياپيلان يتمش حجّدن افضلدر. دعالرڭ اڭ افضلي دە عرفە گوني ياپيلان دعادر. بنم و بندن أوڭجەكي پيغمبرلرڭ سويلەديگي اڭ افضل سوز دە: ”لا الٰە الاّ اللّٰه وحده لا شريك

 لە. (اللّٰه بردر، اوڭدن باشقە الٰه يوقدر، اونڭ اورتاغي دە يوقدر.) سوزيدر.“ (كتب ستە) :قايناق http://www.xn--mgbcanya0ab4l6abbcd.com - عرفە گوننڭ فضيلت و أوڭمي